بسطيلة ديال الحوت

السلام عليكم و رحمة الله و بركاته

و صلى الله و سلم على اطهر و اشرف خلقه سيدنا محمد و على آله و صحبه اجمعين

اليوم غادي نوريكم كي كنصاوب البسطيلة ديال الحوت كتجي رائعة و لذيذة
بسم الله نبداو بالمقادير و الصورة كتوضحهم و الطريقة كذلك

*الانواع ديال الحوت اللي استعملتها هي الراسكاس هو النوع المحبب عندنا في الدار لان مذاقو زوين و الهبرة ديالو بيضة و زوينة و قليل فيه الشوك+الميرنا+الكروفيت+ الكلامار
*1 البصلة كنشلضوها و نشحروها في الزيت مع البزار+الملحة+الكامون+القزبور و المعدنوس+3فصوص ثوم مفرومين
*الراسكاس و الميرنا كنديروهم في طاوة و كندخلوهم للفران يطيبو عاد ناخدو الهبرة ديالهم و نحطوهم على جنب
*فرماج محكوك استعملت نوع edam
champignons استعملت بواطة وحدة
*vermicelle chinoise
*بهارات مختلفة :ديال الحوت و بهارات ايطالية و مكسيكية ضفتهوم للكروفيت و الكلامار مللي كيتشحرو في شوية ديال الزيت
*الورقة ديال البسطيلة كومونديتها من الباتيسري لانها احسن من الجاهزة طبعا الحاجة اللي مصابة باليد احسن و كتكون رقيقة و زوينة,الجاهزة كتكون بحال القلع
*الحرور
*صفار بيضة باش غادي نلصقو الورقة الفوقانية و ندهنو الوجه ديال البسطيلة

هنا كولشي جاهز الفيرميسيل درناها في الماء غليان و صفيناها و قطعناها+الكروفيت و الكلامار+الهبرة ديال الحوت (و خلينا شوية على جنب باش نديروه من الفوق)+البصلة اللي شحرنا (و حتى هي نخليو منها واحد شوية باش نضيفوه للهبرة ديال الحوت اللي غادي نديرو من الفوق) و نزيدو على هاد المكونات شوية البزار و الكامون و الملحة طبعا الى خاصة +الحرور

الصور كتوضح اكثر

و هادا الحوت اللي قلت لكم نخليه على جنب باش نديروه فوق الحشوة مخلط مع شوية ديال البصلة مشحرة

كناخدو الطاوة و ندهنوها بزبدة مذوبة و نفرشو وراق البسطيلة و حنا كندهنو فيهم بالزبدة و نديرو ورقة في الوسط باش تشد الحشوة مزيان

من بعد كنديرو الحشوة و نديرو فوق منها داك القسم ديال الهبرة ديال الحوت اللي خلينا على جنب

من بعد كنديرو الفرماج محكوك

و نسدو البسطيلة بالوراق و حنا كندهنو بالزبدة و من بعد ندهنو وجها و جنابها بصفر بيضة (و ما نساوش نلصقو الورقة الاخيرة بصفر بيضة)

و ندخلوها طيب في الفران نص ساعة على 200 درجة و نكونو شاعلين الفوق و التحت
و ها هي واجدة

و هنا مللي قطعتها

صور اقرب

و الحمده لله رب العالمين حمدا طيبا مباركا كثيرا مستمرا دائما
في امان الله

شكرا على الموضوع
الوصفة رائعة والصور ايضا
انا اكيد راح اجربها

» نـــــكـــــــت مــــــغــــــــــربـــــــيــــــة الموت ديال الضحك